Çitaku i hakërrehet Gjuriçit: Gënjeshtar
Pëlqej
Ambasadorja e Kosovës në Shtetet e Bashkuara të Amerikës (ShBA), Vlora Çitaku e ka quajtur të turpshme një video të prodhuar nga Qeveria e Serbisë, në të cilën flet zyrtari për Kosovën, Marko Gjuriç.

Në videon e titulluar “Historia e vërtetë e Kosovë”, drejtori i Zyrës për Kosovën në Qeverinë e Serbisë, Marko Gjuriç e shfaq Kosovën si një shtet të dështuar, ndërsa e quan UÇK-në organizatë kriminale.

Për Vlora Çitakun, të gjitha faktet që prezantoi Gjuriq në këtë deklarim, janë të rreme.

“Meqenëse është pasdite e dielë, dhe ndodhi që të kisha kohë të lirë, dëgjova parodinë më të fundit të prodhuar nga Qeveria serbe për Kosovën. Faktet janë të gabuara, tërësisht. Një përpjekje e dëshpëruar për të rishkruar historinë. E turpshme për një vend që synon të jetë anëtar i BE-së”, ka shkruar Çitaku të dielën, në rrjetin social Twitter.

Shtuar më 21/05/2018, ora 10:14
Shkruani komentin tuaj!
Të fundit nga kjo kategori