Analisti dhe historiani Arben Llalla ka marrë një rast hipotetik, duke thënë se çfarë do të ndodhte sikur Edi Rama apo Albin Kurti ta kishin një parti në Maqedoni ose të garonin për deputet në Maqedoni.

Sipas tij, nëse Rama dhe Kurti do të garonin për deputet në viset shqiptare në Maqedoni, ata nuk do të votoheshin nga njerëzit, transmeton portali Albeu.com.

Kjo, sipas Llalles, pasi shqiptarët në këto anë ende nuk e kanë kuptuar se ka ikur koha e politikanëve të tranzicionit dhe se tanimë ka ardhur një tjetër "epokë politikanësh".

"Nëse Edi Rama apo Albin Kurti do themelonin parti në Maqedoni ose do garonin për deputet këtej, jam i bindur se ata do të humbnin sepse shqiptarët e Maqedonisë ende spo kuptojnë se bota po ndryshon, se politikanët me nivel të ulët arsimi duhet të largohen, se politikanët e tranzicionit tashmë u ka ikur koha. Shqiptarëve në Maqedoni do tju jepet edhe një shancë për të larguar të keqen, kancerin e politikanëve shqiptar, nëse nuk e shfrytëzojnë retë e zeza nuk do të largohen edhe për 30 vite të tjera", shkruan Arben Llalla. /albeu.com/