Çanta sekrete e Titos fshinte identitetin e tij te vertete?
Pëlqej
Ka dyshime të forta se emri i vërtetë i Josip Broz Titos të mos dihet akoma sot e kësaj dite.

Mjeku personal i Titos, Aleksandar Matunoviç ka rrëfyer se Tito ka patur një çantë personale, nga e cila nuk ndahej kurrë.

“Tito kishte një çantë, mendoj se ishte nga lëkura e gjarperit. Gjithmonë e mbante me vete. Çanta gjithmonë ishte e mbyllur me çelës dhe një dry të vogël. Dy herë e takova duke futur diçka në çantë. Në të dy rastet shpejt e mbylli çantën. Në ato momente dukej si njeri që bënte diçka të palejuar. Pas kësaj kuptova se në atë çantë kishte për të gjëra shumë të rëndësishme.
Pas vdekejs së tij pyeta anëtarët e komisionit për rregullimin e gjërave të Titos që i kanë gjetur në çantën e tij. Njëri nga anëtarët e komisionit Zvonko Kostiç më tha se përveç stolive të arit dhe gjërave tjera kishte edhe një kopje të raportit të Ministrisë së luftës së Austro-Hungarisë, që datonte nga vjeshta e vitit 1915, në të cilin gjendej edhe një listë e oficerëve austriak, nënficerëve dhe ushtarëve të cilët kishin rënë në betejën në Galici. Në listë gjendej edhe emri i Josip Franjë Broz”, ka shkruar mjeku personal, transmeton Albtime.

Pas kësaj, shtohen akoma dhe më tej dyshimet se pas Titos nuk ishte kroati Josip Broz, por një person tjetër. /albeu.com/
Shtuar më 19/08/2014, ora 15:21
Shkruani komentin tuaj!
Të fundit nga kjo kategori