Gjykata e Elbasanit vendosi arrest me burg për Koç Buzon, 58-vjeçari që vrau bashkëshorten e tij Liljana Buzo dy ditë më parë.
Pasi dëgjoi pretencën e prokurorit Petref Asllani, gjykatësi Bujar Musta gjykoi duke vlerësuar ngjarjen e rëndë për ta lënë në burg.
Kujtojmë se e ndjera u qëllua me kallashnikov sapo doli nga gjykata e Elbasanit ku po zhvillonte një seancë për divorcin që kishte nisur me personin që i mori jetën. Plumbat kapën edhe dy persona të tjerë, një avokat dhe një kalimtar, Gëzim Toçila si dhe Adriatik Kola, janë jashtë rrezikut për jetën./albeu.com
