Everton vendos të rimbursojë tifozët për ndeshjet e mbetura të sezonit 2019/20

‘Toffees’ kanë marrë një vendim shumë të rëndësishëm për tifozët e skuadrës së tyre.

Në kohën kur planet po bëhen për rifillimin e sezonit, nuk dihet akoma nëse rikthimi do të bëhet, por e sigurt është që nëse bëhet, ndeshjet luhen pa tifozë.

Kështu, skuadra e Everton ka marrë vendimin që të rimbursojë të gjithë tifozët që kishin bileta për ndeshjet e mbetura të sezonit.

Everton do të luante pesë ndeshje në shtëpi, nga nëntë të mbeturat gjithsej, dhe për këto ndeshje, tifozët do të marrin mbrapsht të hollat e tyre.

Një gjë e tillë është komunikuar edhe përmes faqes zyrtare të skuadrës.

Everton renditet në pozitën e 12-të në tabelë, me vetëm gjashtë pikë më pak se Wolverhampton që mbajnë pozitën e 6-të.


Shtuar 18.05.2020 07:35