"Burimet e Sharrit" mbledh artistë nga Maqedonia, Shqipëria e Kosova
Më shumë se 250 artistë dhe shumë personalitete të tjera nga fusha e artit dhe kulturës nga Maqedonia, Shqipëria dhe Kosova do të marrin pjesë në edicionin e dymbëdhjetë të Festivalit të Folklorit të Përpunuar "Burimet e Sharrit 2013", që do të mbahet në mbrëmjen e 5 tetorit, pranë Qendrës Kulturore në Tetovë.

Artistët e shtatë ansambleve muzikore "Burimet e Sharrit" nga Tetova, "Jahi Hasani" nga Çegrani i Gostivarit, "Jehona", nga Koroshishta e Strugës, "Karshika" nga Shkupi, ansambli "Shotë Galica" nga Drenasi dhe Ansambli i këngëve dhe valleve të Mitrovicës, bashkë me grupin e të rinjve "Burimet e Sharrit" do të jenë protagonistët e këtij edicioni.

Çmimet që do të jepen janë "Burimet e Sharrit","Margaritar i kulturës popullore", "Mehmet pashë Deralla", "Menada-Valltare ilire", çmimi "Oeneja e lashtë", "Skardusi ilir", Çmimi i karrierës si dhe çmimi i publikut. /albeu.com/
Shtuar më 04/10/2013, ora 13:06
Shkruani komentin tuaj!
Të fundit nga kjo kategori