E FUNDIT/ Sherr mes uniformave blu, shkarkohen 2 shefa të policisë rrugore
Bukoshi me paret e qytetarëve e shoqëronte drekën me uiski Jack Daniels
Ish Zëvendës Kryeministri i Kosovës, Bujar Bukoshi, më 2 prill të 2011 kishte shtruar një drekë të shtrenjtë në restaurantin Puro në Prishtinë. atura e Bukoshit për këtë rast kishte kushtuar 115 euro.

Bukoshi kishte porositur 4 gota “Chivas 12 Years”, ku vetëm një gotë ka kushtuar 4 euro 40 cent. Në total 4 gota chivas të porositura nga Bukoshi i kanë kushtuar shtetit 17 euro e 60 cent.

Aty nuk ka munguar as pija tjetër “Jack Daniels” nga e cila është pirë vetëm 1 gotë, që ka kushtuar 4 euro.

Përveç pijeve të shtrenjta alkoolike në gota, ata kanë porositur edhe një shishe verë të llojit “Serego Alighieri” e cila ka kushtuar 65 euro.

Aty janë porositur edhe 2 shniclla të cilat kanë kapur koston e 17 euro e 60 cent si dhe një pasta prej 5.5 euro.

Dy shishe ujë i kanë kushtuar buxhetit të shtetit 4.5 euro, ujë Rugove që kishte kushtuar 2 euro dhe ujë Panna Acqua 2.5 euro.

KALLXO.com ka nisur publikimin e faturave të shpenzimeve të Presidentit Hashim Thaçi në kohën kur ai ishte kryeministër i vendit.

Në dosjen prej qindra faturash të siguruar pasi BIRN ka paditur Zyrën e Kryeministrit në gjykatë, do publikohen fatura të shpenzimeve për 20 muaj qeverisje të Hashim Thaçit përfshirë këtu shpenzimet e zëvendëskryeministrave tjerë të asaj kohe: Bujar Bukoshi, Edita Tahiri, Hajredin Kuçi dhe Behgjet Pacolli.

Pjesë e faturave janë edhe shpenzimet e kryera nga këshilltarë e shefa të kabineteve e deri te bodigardët e qeveritarëve të lartë.


Shtuar më 29/08/2018, ora 15:35
Shkruani komentin tuaj!
Të fundit nga kjo kategori