Bora vështirëson kthimin e Haradinajt në Prishtinë
Për shkak të kushteve të vështira atmosferike kryeministri Ramush Haradinaj dhe ekipi i tij nuk kanë mundur të kthehen sot pasdite në Prishtinë.

Fluturimi W67792 i WizzAir, i parashikuar të ateroj në ora 18:20 në aeroport, nuk ka mundur të ulet në pistë.

Se një fluturim nuk ka ateruar në Aeroportin e Prishtinës “Adem Jashari”, e ka konfirmuar edhe zëdhënësja e AP, Valentina Gara.

Ajo ka thënë se ky fluturim është divertuar për në Sofje të Bullgarisë, për shkak të kushteve atmosferike.

Përveç fluturimit që erdhi nga Londra, në aeroport nuk ateroi as një aeroplan që erdhi nga Frankfurti i Gjermanisë.

Delegacioni i Kosovës do të niset për në Prishtinë më automjete ndërsa nesër për në orën 10:00 është caktuar edhe seanca për demarkacionin ku i pranishëm duhet të jetë edhe kryeministri i vendit. /albeu.com/
Shtuar më 27/02/2018, ora 19:25

Shkruani komentin tuaj!
Të fundit nga kjo kategori