Bashkimi Evropian ka vënë tre kushte të reja ndaj Serbisë për fillimin e negociatave për anëtarësim. E përditshmja serbe “Politika” duke cituar burime jozyrtare nga Beogradi transmeton se shefi i diplomacisë sllovake, Mirosllav Lajçak, së fundi i ka paraqitur tri kushte të reja qeverisë serbe.

“Krahas kërkesës për heqjen e institucioneve në veri (me këtë mendohet në shkolla, shtëpitë e shëndetit dhe spitalet), ka kërkuar hapjen e përfaqësisë në Beograd, përkatësisht në Prishtinë, si dhe takimin e nivelit të lartë mes dy kryeqyteteve”, shkruan gazeta, duke shtuar se BE ka kërkuar nga Serbia që të shuajë gjykatat paralele në Mitrovicë dhe instalimin e numrave të veçantë të telefonave për Kosovë. /albeu.com/