Bie aktakuza ndaj kryetarit të Malishevës, s'ka fakte për korrupsion
Edhe një aktakuzë e profilit të lartë nuk ka arritur që të kalojë “pragun fillestar” në gjykatë.

Këto ditë Gjykata Themelore në Gjakovë e ka hedhur poshtë aktakuzën e Prokurorisë Speciale, të ngritur muaj më parë kundër kryetaritMalishevës, Ragip Begaj, i cili përballej me drejtësinë për keqpërdorim të detyrës zyrtare.

Bazuar në vendimin, të cilin e posedon Koha Ditore, gjykata ka konstatuar se nuk ka prova me të cilat do të vërtetohej dhe mbështetej dyshimi i bazuar se Begaj ka kryer veprën penale me të cilën është ngarkuar.

Për këtë vendim Prokuroria ka thënë se nuk ka kurrfarë informacioni dhe se këtë po e dëgjon për herë të parë nga gazeta. Megjithatë, ajo ka paralajmëruar se sapo ta marrë vendimin do ta analizojë dhe do të bëjë ankesë në Gjykatë të Apelit.

Në shkurt të këtij viti Prokuroria ka ngritur aktakuzë kundër Begajt nën dyshimin se e ka shfrytëzuar detyrën, respektivisht autoritetin zyrtar, atë të kryetaritKomunësMalishevës, në kundërshtim me dispozitat e Ligjit për Shërbyesit Civilë, duke i sjellë përfitim tjetrit dhe duke e dëmtuar buxhetin e komunës.


Shtuar më 02/05/2018, ora 09:39

Shkruani komentin tuaj!
Të fundit nga kjo kategori