Bërnabiq: Kurrë nuk e njohim Kosovën
Presidenti Hashim Thaçi, si negociator me Serbinë, shprehet i bindur se marrëveshja mes Kosovës dhe Serbisë do të përfundojë me njohje. Por, kryeministrja serbe, Ana Bërnabiq nga Berlini thotë se Serbia nuk do ta njoh Kosovën.

Kryeministrja e Serbisë, Ana Bërnabiq ka deklaruar nga Berlini se zgjidhja e çështjes së Kosovës është tek kompromisi, dhe për të kompromis është një pikë mes së cilës Kosova është Serbi dhe Kosovës shtet i pavarur që do të njihet nga Serbia.

Kompromis është mes dy palëve. Por, nëse dikush insiston se Kosova është e pavarur dhe se Serbia do ta njeh, kjo nuk do të ndodhë, por Beogradi do të vazhdojë të insistojë se Kosova është Serbi”, deklaroi ajo në Berlin, në Forumin Evropian “Serbia në BE”, organizuar nga Fondacioni Konrad Adenauer.

Ajo theksoi se Kutia e Pandorës u hap 10 vite më parë kur Kosova shpalli pavarësinë pa llogaritur asnjë princip demokratik. “Ne mundohemi ta mbyllim por nuk është e lehtë. Nuk e di nëse do të jetë e mundur, do të dëshiroja të arrinim kompromis, dhe të gjithë së bashku të kthehemi nga e ardhmja”, shtoi Bërnabiq.


Shtuar më 13/11/2018, ora 11:18

Shkruani komentin tuaj!
Të fundit nga kjo kategori