Berisha: Hashim Thaçi është argat i Serbisë
Ish-kryeministri i Shqipërisë, njëherësh ish-president i vendit, Sali Berisha, i është përgjigjur presidentit të Kosovës, Hashim Thaçi, pas ftesës së tij për një debat publik mes tyre.

Thaçi ka kërkuar të enjten ballafaqim televiziv me Berishën, pasi ish-udhëheqësi i Shqipërisë javëve të fundit ka paraqitur një sërë argumentesh kundër idesë së presidentit kosovar për korrigjimin e kufijve mes Kosovës dhe Serbisë.

E, në një prononcim për Express, Berisha ka bërë të ditur se e refuzon ftesën e Thaçit për debat televiziv me të.


Teksa ka thumbuar Thaçin, Berisha ka thënë se më përpara do të dilte në debat me presidentin e Serbisë, Aleksandar Vuçiç.

Udhëheqësin serb, Berisha e ka cilësuar ‘patron’ të Thaçit.

‘Po të jetë për debat, para një argati shqipfolës albanofob, dhe një patroni të tij në Beograd, për ballafaqim do të preferoja këtë të fundit’, ka deklaruar ish-kryeministri Sali Berisha.

"Këtë e kam shprehur edhe më parë", ka thënë ish-udhëheqësi shqiptar.
Shtuar më 31/01/2019, ora 22:49

Shkruani komentin tuaj!
Të fundit nga kjo kategori