Beqaj: Nuk pranojmë nënçmimin e qytetarëve dhe produkteve
Ministri i Financave Besim Beqaj ka thënëse Kosova nuk do të lejojë që të hyjë në vend asnjë produkt nga Maqedonia, deri sa ajo të heqë masat e vendosura për produktet dhe qytetarët e Kosovës.

Beqaj thekson se masa e marrë nga ana e Kosovës është një kudërpërgjigje ndaj Maqedonisë, shkruan Telegraf.

“Ne nuk do të lejojmë asnjë produkt nga Maqedonia, përderisa ata të heqin të gjitha masat që i kanë vënë pa të drejtë për produktet dhe qytetarët e Republikës së Kosovës.

Sot kur po flasim, kufiri është i mbyllur nga ana e tyre dhe ne iu kemi thënë edhe dje në një takim se jemi të gatshëm, dëshirojmë fqinjësi dhe bashkëpunim të mirë fqinjësor me të gjitha vendet.

Por gjithsesi që do ta ruajmë identitetin shtetëror, do ta ruajmë interesin e qytetarit të Republikës së Kosovës dhe do ta ruajmë në masën maksimale, interesin e ekonomisë së Kosovës”, tha ministri Beqaj.

Ai theksoi se Kosova nuk është e interesuar për bllokada, por se nuk do të lejojë që në asnjë rrethanë të nënçmohen produktet dhe qytetarët e vendit tonë/albeu.com/
Shtuar më 10/09/2013, ora 14:28
Shkruani komentin tuaj!
Të fundit nga kjo kategori