“Është zgjuar, por nuk përgjigjet”, lajme të reja mbi shëndetin e Schumacher

Legjenda e Formula 1 Michael Schumacher është në një gjendje vegjetative dhe nuk po përgjigjet, sipas neurokirurgut të njohur Erich Riederer.

Gjermani pësoi dëmtime shkatërruese të trurit në një aksident me ski në vitin 2013 ndërsa ishte me pushime në Alpet Franceze dhe gjendja e tij ishte përcjellur nga afër.

Javën e kaluar ish-shefi i Ferrarit, Jean Todt tha se Schumacher ishte ende duke luftuar për t’u bërë më mirë, por Riederer ka ofruar një parashikim më të zymtë.

Duke folur në një dokumentar në stacionin televiziv francez TMC, ai tha: “Unë mendoj se ai është në një gjendje vegjetative, që do të thotë se është zgjuar por nuk përgjigjet”.

“Ai po merr frymë, zemra i rrah, ai ndoshta mund të ulet dhe të bëjë hapa të vegjël me ndihmë, por jo më shumë”.

“Unë mendoj se ky është maksimumi për të. A ka ndonjë shans për ta parë atë siç ishte para aksidentit? Unë nuk mendoj kështu”, vijoi ai.


Shtuar 23.09.2020 10:03