Bajrami: E vendosur për të luftuar kundër krimit dhe korrupsionit
Ministrja e Tregtisë dhe Industrisë, Hykemete Bajrami, e gatshme për luftën ndaj evazionit fiskal. Përmes një postimi që ka bërë në profilin e saj në Facebook, Bajrami shkruan se do të bëjë ligje dhe do ta luftojë çdo të keqe dhe çdo kënd që është në kundërshtim me ligjin.

"Interesante shkrimi në Kosova Sot, aq më tepër kur oligarket luftojnë në mes vete dhe përdorin emrin tim si instrument. Ju garantoj se Hykmete Bajrami ka guxim më shumë nga ç'mund të imagjinoni ju, të luftoj krimin e korrupsionin brenda kompetencave dhe mandatit, të bëj ligje, e rregulla kundër çdo mafie kriminale dhe asaj të naftës. Para 2 muajve 43% e pikave të karburanteve kanë qenë pa licensë, kemi mbylle dhjetra pika, vazhdojmë të mbyllim të tjera brenda një kohe të shkurtër nuk do të ketë asnjë pikë të pa licensuar në tërë territorin e vendit-për herë të parë.

Po eshte e vertete Kryeminstri Isa Mustafa dhe LDK-ja më ka vënë në krye të MTI-së, por për të qenë në shërbim të popullit, zhvillimit ekonomik dhe askujt tjetër.

Po punohet shumë në MTI që tregu i naftës të rregullohet dhe jo vetëm ky treg, po kthehet besimi i qytetarëve, bizneseve të huaja e vendore në MTI", shkruan ministrja BajramiFacebook. /albeu.com/
Shtuar më 21/04/2015, ora 10:53

Shkruani komentin tuaj!
Të fundit nga kjo kategori