Ministri i Arsimit të Kosovës ka thënë se do të kërkojnë inspektim të çështjes, për sa i përket megaskandalit me diploma false në Fakultetin e Shkencave të Aplikuara të Biznesit në Pejë.

Ministri Bajrami tha se “Do të kërkojmë inspektim të çështjes dhe do të marrim të gjitha masat që aty të vendoset ligji, rendi dhe rregulli. Kështu që nuk do të ketë asnjë kompromis”.

Këto diploma false janë duke u hetuar nga Prokuroria Themelore e Pejës, ku sipas rektoratit të Pejës, nga 505 studentë, 503 nuk figurojnë në arkivat e tyre të kenë qenë ndonjëherë studentë të këtyre institucioneve.

I pyetur nëse do të ketë përjashtime për persona të cilët janë profesor të universiteteve, apo edhe zyrtar të lartë të institucioneve tjera, Bajrami tha se nuk do të ketë dallime, pa marrë parasysh pozita publike në të cilën gjinden ata. /albeu.com/