Bahtiri: Largimi i Listës Serbe nga Qeveria vendim i ngutshëm, por mundemi edhe pa ta
Kryetari i komunës së Mitrovicës, Agim Bahtiri konsideron se vendimi i largimit të Listës Serbe nga Qeveria e Kosovës, është veprim i ngutshëm por sipas tij kjo nuk nënkupton rrëzim të qeverisë.

I pari i Mitrovicës, Agim Bahtiri ka komentuar gjendjen aktuale në vend pas arrestimit të djeshëm të zyrtarit të lartë serb, Marko Gjuriç i cili dhe më pas u depërtua pasi hyri ilegalisht në territorin e Kosovës.

”Ne nuk na duhet asnjëherë asnjë përplasje e sidomos me Listën Serbe, ne dëshirojmë një fqinjësi të mirë një bashkëjetesë të mirë”.

”Dita e djeshme sikurse ndodhi, ndodhi sipas ligjeve të Kosovës dhe të gjithë ata që e morën atë guxim ishin të arsyeshëm”.

”Unë iu dal zakonisht në përkrahje të Policisë së Kosovës, ai ishte vendim i Qeverisë së Kosovës”.

”Vendimi i Listës Serbe, për largim nga qeveria është i ngutshëm dhe i pamatshëm. Zotri Rakiq dhe të tjerët të cilët kanë marrë këtë vendim, është i gutshëm por ndoshta është dhe personal, sepse gjithë këtë faj e posedon ai i cili ka hyrë pa leje, pra është Marko Gjuriç”.

”Policia ishte sjell në mënyrë korrekte dhe profesionale ndërsa kanë zbatuar urdhrat. Lista Serbe besoj që të kthehen prapa me vendimin e tyre sepse më e mirë është bashkëjetesa e përbashkët pa probleme”.

”Absolut jo nuk e konsideroj qeveri të rrëzuar, ne mund të gjejmë forcë edhe pa ta (Listen Serbe) sepse është çështje e tyre politike grupore”. /albeu.com/
Shtuar më 27/03/2018, ora 18:28
Shkruani komentin tuaj!
Të fundit nga kjo kategori