Atifete Jahjaga nuk shkon në Beograd
Presidentja Atifete Jahjaga ka marrë vendimin që të mos shkojë në Beograd.

Në një njoftim të presidencës, thuhet se Jahjaga nuk do të shkojë në kryeqytetin e Serbisë, për shkak të krizës politike në Kosovë.

"Presidentja e Republikës së Kosovës pas një analize të hollësishme të ftesës së Grupit Evropian të Komisionit Trilateral për pjesëmarrje në konferencën që organizohet në Beograd më 1 Nëntor, ka marrë vendimin që të mos marrë pjesë në konferencë, për shkak të gjendjes së krijuar në vend me pamundësinë e ndërtimit të institucioneve të reja”, thuhet në përgjigjen e Presidencës.

Më tej, nga presidenca thuhet se Jahjaga do të qëndrojë në Kosovë që të mund të krijojë dialog për të tejkaluar krizën aktuale politike./albeu.com/
Shtuar më 30/10/2014, ora 16:11

Shkruani komentin tuaj!
Të fundit nga kjo kategori