Askush nuk flet pas takimit me ambasadorin amerikane
Pëlqej
Liderët kosovar kanë qenë të heshtur përballë interesit të gazetarëve se çfarë u vendos në lidhje me taksën gjatë takimit të tyre me ambasadorin e SHBA-ve në Prishtinë.

Asnjëri prej tyre, as Haradinaj dhe as Veseli nuk kanë preferuar të japin detaje duke folur në mënyrë të përgjithshme.

Nëpërmjet një deklarate në faqen e tij në Facebook, Veseli ka thënë se Kosova është e vendosur që përjetësisht ta ruajë miqësinë dhe partneritetin strategjik me Shtetet e BashkuaraAmerikës dhe kjo nuk do të ndryshojë asnjëherë.

Haradinaj e Kosnett nuk janë deklaruar fare, deri më tani.

Postimi i Veselit
Me Ambasadorin e Shteteve të BashkuaraAmerikës, Philip Kosnett dhe Kryeministrin Ramush Haradinaj sot patëm një takim tejet konstruktiv dhe diskutuam për sfidat që na presin gjatë këtij viti.

Ne do të punojmë bashkë që vendimet e institucioneve të Kosovës, për procese të rëndësishme, të jenë në interes të qytetarëve tanë dhe në koordinim të plotë me SHBA-të dhe partnerët tjerë ndërkombëtarë.

Kosova është e vendosur që përjetësisht ta ruajë miqësinë dhe partneritetin strategjik me Shtetet e BashkuaraAmerikës dhe kjo nuk do të ndryshojë asnjëherë.
Shtuar më 22/01/2019, ora 14:18
Shkruani komentin tuaj!
Të fundit nga kjo kategori