Shefja për politikë të jashtme dhe siguri e Bashkimit Evropian, Catherine Ashton, në një fjalim mbajtur para Parlamentit Evropian në Strasburg, ka kërkuar nga Prishtina dhe Beogradi që të përkushtohen për vazhdimin e dialogut.


“Kur kam takuar kryeministrin Hashim Thaçi, presidentin Nikolliq dhe së fundi kryeministrin Daçiq, kam thënë se do të angazhohem vetë në çuarjen përpara të dialogut. Por, ata duhet të jenë të përkushtuar, që të gjejnë mënyrat përmes së cilave, do të ndihmojnë njerëzit, jetët e të cilëve po vështirësohen çdo ditë për shkak të tensioneve të vazhdueshme dhe sfidave në atë zonë”, ka thënë Catherine Ashton. /albeu.com/