Presidenti amerikan Joe Biden është shprehur se homologu i tij rus, Vladimir Putin, është duke u vetëizoluar në Rusi.
Biden shtoi gjithashtu se Putin ka pushuar nga puna, ose ka vënë në arrest shtëpia disa prej këshilltarëve të tij më të besuar.
“Ai duket se është i izoluar dhe ka disa indikacione se ka pushuar nga puna ose ka vënë në arrest shtëpie disa nga këshilltarët e tij. Por nuk po i kushtoj më shumë rëndësi kësaj çështjeje për momentin”, u shpreh Biden.
Po ashtu, presidenti amerikan lidhi rritjen e çmimit të gazit në SHBA direkt me pushtimin e Ukrainës nga homologu i tij rus.
Në deklaratën e bërë nga Shtëpia e Bardhë, Biden tha se gazi në SHBA është mesatarisht rreth 4,20 dollarë ose 4,22 dollarë për gallon, nga 3,30 dollarë që ishte në fillim të vitit.
“Arsyeja për këtë është lufta e Putinit. Dhe tani, shumë njerëz nuk blejnë më naftë ruse në mbarë botën. Unë e ndalova importin rus të naftës këtu në Amerikë. Republikanët dhe demokratët në Kongres e bënë thirrje dhe e mbështetën. Ishte gjëja e duhur për të bërë. Por unë thashë në atë kohë që do të ketë një kosto. Ndërsa nafta ruse del nga tregu global, oferta e naftës bie dhe çmimet po rriten. Tani, rritja e çmimit të Putinit po i godet amerikanët,” tha Biden./albeu.com/
