Policia e Kosovës, nën mbikëqyrjen e prokurorisë së EULEX-it, ka arrestuar tri persona, të dyshuar për pjesëmarrje në grabitje me armë në Mbretërinë e Bahreunit, në shtator të këtij viti. Në ngjarjen në fjalë, siç shkruan radio "Evropa e Lirë" u vodhën stoli të çmuara (orë dore të shtrenjta) me vlerë mbi 1.1 milionë euro. Të dyshuarit janë arrestuar me akuzën e vjedhjes dhe sulmit. Në të njëjtën kohë janë kryer bastisje të katër shtëpive./ableu.com/