Lekaj: Arrestimi i Haradinajt është i papranueshëm dhe sulm ndaj shtetit
Pëlqej
Pal Lekaj
Kuvendi i Kosovës po mban sot një seancë të jashtëzakonshme për arrestimin e Ramush Haradinajt në Francë në bazë të një fletë-arresti të Serbisë të vitit 2004.

Ndërkohë, shefi i Grupit parlamentar i Aleancës për Ardhmërinë e Kosovës, Pal Lekaj, tha se ndalimi i Ramush Haradinajt është i papranueshëm dhe sulm ndaj shtetit të Kosovës dhe se mbajtja e tij në paraburgim, është për t'i dhënë kohë Serbisë që të plotësojë dosjen.

Lekaj në emër të 43 deputetëve paraqiti kërkesën e parashtruar për seancën e jashtëzakonshme që po mbahet me rastin e arrestimit të ish-liderit të AAK-së Ramush Haradinaj nga policia franceze.

"Është i papranueshëm ekstradimi i Haradinajt në Serbi, ngase është dëshmuar dy herë edhe në Hagë. Vendimi për të mbajtur në paraburgim është i papranueshëm… Në fund do të dalim me rekomandime", ka thënë Lekaj. /albeu.com/
Shtuar më 10/01/2017, ora 11:30
Shkruani komentin tuaj!
Të fundit nga kjo kategori