Arifi: Po besojmë që i kemi 80 vota për demarkacionin
Këshilltari i Ramush Haradianjt, Avni Arifi, po thotë se besojnë se i kanë siguruar numrat për të votuar demarkacionin me Malin e Zi. Ka thënë se synojnë të kenë edhe më shumë se 80 numra në Parlament kur votohet për marrëveshjen e kufirit me malazezët.

“Ne po besojmë se kemi me i mbërri 80 vota, pasi është interes i vendit, është interes madhor i vendit. Kosovës i hapet krejtësisht një perspektivë tjetër. Janë adresuar problemet të cilat ne i kemi pasur si shoqëri në lidhje me demarkacionin dhe besojë që është një hap shumë i madh për Kosovën dhe nuk ka asnjë arsye pse të dështojë dikush”, ka thënë Arifi, për lajmi.net

Vendimet e mëdha janë vendime të vështira, njerëzit po kanë dilema, thotë Arifi, por deklaron se “ Ne e dimë se është shumë e vështirë të merret një vendim, por ne besojmë se do të mbizotëroj arsyeja dhe deputetët e Parlamentit të Kosovës të martën do vetojnë këtë vendim kyç.”

Në pyetjen se a po bisedojnë me ndokënd tjetër për të pasur vota plus dhe kush janë ata deputetët, Arifi u përgjigj:

“Ne po bisedojmë edhe me ma shumë se 80, kryesisht shqiptarë, por edhe serbët. Ne do të kishim preferu që të martën të votohet më 120 vota, këtë preferencë ne po e ndërtojmë me angazhim maksimal”, është shprehur ai.

Tutje, Arifi u ka bërë thirrje edhe publike edhe private secilit deputetët pa marrë parasysh partinë politike, pa marrë parasysh etnisë, “sepse është interes i Kosovës, sepse me këtë po përmbyllet hapi i fundit për lëvizje të lirë të qytetarëve. Jemi i vetmi vend në Evropë me kufizim të lirë të lëvizjes, andaj me këtë po i bashkohemi Evropës.”
“Është interes i Kosovës, është interes i çdo qytetari të Kosovës pasi prekë çdo qytetarë dhe të jesh 18 vjet dhe ta kesh lirinë e lëvizjes nëpër Evropë pas viza është ngjarje e madhe për secilin qytetar”, ka thënë Arifi.

Në fund, ai ka thënë se është shans i çdo deputeti në Parlament që t’ia ofroj lirinë qytetarëve të Kosovës dhe izolimi të marr fund.


Shtuar më 18/03/2018, ora 13:04

Shkruani komentin tuaj!
Të fundit nga kjo kategori