Apeli i jep të drejtë MPB-së, Kosova kursen gjobën 5 milionë euroshe të pasaportave
Gjykata e Apelit e Kosovës ka kërkuar që kontesti mes kompanisë austriake OeSD dhe Ministrisë së Punëve të Brendshme të kthehet në Gjykatën Themelore në Prishtinë.

Kompania austriake OeSD e kishte fituar kontestin në arbitrazh dhe Kosova ishte detyruar që t'i paguante rreth 5 milionë euro, por Ministria e Punëve të Brendshme ka bërë ankesë në Gjykatën e Apelit dhe është në favor të MPB.

Një zyrtar i Gjykatës së Apelit ka deklaruar se ka paqartësi në klauzolën e marrëveshjes dhe për këtë arsye është vendosur që të refuzohet.

Kujtojmë se kompania austriake ka zgjedhur arbitrazhin, por gjykata e Arbitrazhit të Odës Ndërkombëtare të Tregtisë në Paris kishte vendosur në favor të shtypshkronjës austriake, dhe vendimi parashihte pagesën prej 4.996 milionë eurosh dhe shpenzimet tjera.

Shtypshkronja shtetërore austriake e ka fituar çështjen ligjore kundër qeverisë së Kosovës, nga e cila ka kërkuar kompensim për shkak të vonesës në pagesa dhe për shkak të anulimit të parakohshëm të kontratës për dorëzimin e pasaportave biometrike.

Ndërsa Ministria e Punëve të Brendshme, kishte bërë padi duke kontestuar juridiksionin e Gjykatës së Arbitrazhit në rastin e pasaportave dhe i ishte refuzuar kjo padi Gjykata Themelore e Prishtinës.

Gjykata e Apelit ka pranuar ankesën e MPB-së dhe procesi do të kthehet në pikën zero, transmeton "Lajmi.net". /albeu.com/

Shtuar më 27/12/2016, ora 10:34

Shkruani komentin tuaj!
Të fundit nga kjo kategori