Analistët: Ndalesa e Daçiç, e drejtë
Ndalesa e bërë ditë më parë për hyrjen e kryeministrit serb, Ivica Daçiç, në Kosovë, nga ana e institucioneve vendore, shihet si vendim i drejtë nga analistët politikë. Sipas tyre Bashkimi Evropian duhet të përkrahë një vendim të tillë, që tregon Beogradit që nuk duhet të ndërhyjë në çështjet shtetërore të Kosovës.

Siç shkruan "RTK", Valon Murtezaj, profesor i marrëdhënieve ndërkombëtare, e vlerëson si të drejtë këtë vendim të palës kosovare, por thotë që vendimet e tilla duhet te jenë më serioze. "Kur merren vendimet nga institucionet qeveritare, ato duhet të jenë të fuqishme dhe konsistente dhe jo të fragmentarizuara. Edhe një herë po e them që ka qenë vendim, nëse është ende në fuqi, vendim i drejtë”,-tha Murtezaj.
Përfaqësuesi i posaçëm i BE-së në Kosovë, Samule Zhbogar tha se vendimi nuk është i mirë.

Ardian Arifaj, analist në institutin KIPRED, mendon se Brukseli zyrtar do të duhej që të adresonte më herët, shqetësimet e palës kosovare, sipas së cilës Beogradi ndërhynte në punët e brendshme. Takimi i radhës Thaçi-Daçiç mbahet të hënën. Ende nuk është e qartë nëse ndalesa për të hyrë në Kosovë, do të krijojë probleme në takimin e Brukselit.
Shtuar më 04/10/2013, ora 17:00
Shkruani komentin tuaj!
Të fundit nga kjo kategori