Analistët kanë dhënë mendimin e tyre në lidhje me pozicionin e presidentes së Kosovës Atifete Jahjaga. Sipas tyre, Jahjaga ndërsa është rehatuar në karrigen prej Presidente nuk po luan rolin e saj unifikues duke u treguar e pafuqishme, thuajse inekzistente.

Ata shprehen se Atifete Jahjaga nga koha që ka marrë postin e të parës së shtetit, ( 7 prill 2011) është treguar e paaftë, duke mos qenë e zonja që në asnjë moment, si në aspektin moral ashtu edhe në atë faktik të marrë timonin e Presidentes, shkruan zëri.

Nga koha prej se Jahjaga po shijon karrigen e të parës, njohësit e zhvillimeve politike e konsiderojnë atë si një “Presidente kukull”.

Analisti politik, Avni Zogiani thotë se përgjatë këtyre dy vjetëve, roli i presidentes Atifete Jahjagës ka qenë krejtësisht i parëndësishëm për shkak të pafuqisë së saj politike.

“Vetë mënyra e ardhjes së saj në krye të shtetit, tregon pafuqinë e saj politike. Nuk shoh ndonjë kontribut të veçantë të saj, bile do të thosha se vetëm sa e ka mbushur atë pozitë për të mos e kryer rolin që i takon. Ajo thjesht ka qenë inekzistnte, duke qenë e paaftë në balancimin e pushteteve dhe që të luajë rolin unifikues”, ka thënë Zogiani. /albeu.com/