Albin Kurti ndaji ndërkombëtarëve: Mos u sillni në mënyrë cinike, mos pranoni ryshfete
Lideri i Lëvizjes Vetëvendosje, Albin Kurti ka këmbëngulur në qëndrimin e tij kundër votimit të demarkacionit. Me një status në Facebook, Kurti ka kritikuar miqtë ndërkombëetarë duke iu bërë thirrje që mos të pranojnë ryshfetin e pushtetarëve kriminelë.

8200">8200 hektarët nuk janë as tokë e Rusisë, as e BE-së. 8200">8200 hektarët janë në skajin perëndimor të Kosovës së orientuar kah perëndimi, te BE-ja dhe NATO-ja. 8200">8200 hektarët nuk janë kurrfarë udhëkryqi gjeopolitik lindje-perëndim.

8200">8200 hektarët nuk janë as çiflig e pronë e pushtetarëve të korruptuar që duan ta japin si ryshfet për të garantuar vazhdimin e pushtetit. Ajo tokë ka qenë gjithnjë e Kosovës, e shqiptarëve, dhe kjo është dëshmuar gjerësisht me dokumentacion vendor e ndërkombëtar. Serbë dhe malazezë aty nuk ka patur kurrë, përveçse me uniformë, por edhe ata janë shporrur.

Kjo tokë synohet të jepet si çmim i paguar për lënien rehat të të korruptuarve e tradhtarëve. Nuk është çmimi i parë që ata paguajnë për të mbetur në pushtet, nuk është as çmimi i fundit. Atyre nuk u dhimbsen këto çmime, sepse paguajnë me nderin, gjakun, pasurinë e popullit, e jo me të tyren. Në fakt, sa më shumë e zvogëlojnë Kosovën, aq më shumë u rritet pasuria e pushteti.

Vendet mike të Kosovës nuk duhet të sillen në mënyrë cinike, duke pranuar ryshfetin e pushtetarëve tanë kriminelë. Qytetarët e Kosovës e meritojnë të drejtën për të udhëtuar lirshëm, pa viza, pa patur pse të durojnë këtë dhunë e poshtërsi.

Tokën nuk e japim. Ne nuk kemi hesap të vazhdojmë me këta pushtetarë” shkruan Kurti në Facebook. /albeu.com/
Shtuar më 27/02/2018, ora 17:13
Shkruani komentin tuaj!
Të fundit nga kjo kategori