AKI: Nuk është vrarë asnjë agjent kosovar në Siri
Pëlqej
Agjencia Kosovare e Inteligjences ka hedhur poshtë lajmin se një agjent i saj është vrarë në luftën e Sirisë.

AKI thotë se lajmi që është publikuar në gazetën e përditshme "Koha Ditore", më datë 20.08.2014, me titull "dekonspirohet dhe vritet një bashkëpunëtor i AKI-së në Siri" nuk është i vërtetë.

“Sigurojmë qytetarët e Republikës së Kosovës se AKI kryen detyrat dhe përgjegjësitë që i ka të përcaktuara në mënyrë mjaft profesionale dhe ka kapacitete të mjaftueshme për tu përballur me sukses më të gjitha sfidat që mund të paraqiten gjatë përmbushjes së mandatit kushtetues dhe ligjor. Publikimi i lajmeve të tilla sensitive dhe të pa vërteta, përveç që paraqet një qasje jo profesionale gazetareske, mund të dëmtoj rëndë edhe interesat e sigurisë së Republikës së Kosovës, prandaj kërkojmë që të kihet me shumë kujdes në trajtimin e këtyre temave të ndjeshme”, thuhet në reagimin e AKI./albeu.com/
Shtuar më 21/08/2014, ora 16:27
Shkruani komentin tuaj!
Të fundit nga kjo kategori