Aleanca Kuq e Zi zhvilloi të shtunën një tubim në qytetin e Kukësit. Kreu i AK-së Kreshnik Spahiu gjatë fjalës që mbajti përpara mbështetësve u shpreh se e vetmja rrugë për të dalë nga qorrsokaku ku politika 22 vjeçare e ka futur Shqipërinë janë zgjedhjet e parakohshme.

“Vendi duhet të nxirret nga qorrsokaku ku politika 22 vjeçare e ka futur për interesa personale, dhe e vetmja mënyre janë zgjedhjet e parakohshme”- deklaroi Spahiu.

Duke u ndalur tek çështja e bashkimit te Shqipërisë me Kosovën ai u shpreh se zhvillimi dhe bashkimi i shqiptarëve do të jetë i mundur vetëm nëse do të ndryshojmë klasën politike dhe largojmë xhaketat e vjetra të cilat po mbajnë peng për karriget personale të pushtetit rrugën e bashkimit dhe rrugën evropiane të shqiptarëve. /albeu.com/