AGK dënon sulmin ndaj gazetarit Taulant Osmani
Asociacioni i Gazetarëve të Kosovës dënon sulmin dhe kërcënimin që i është bërë gazetarit të BIRN-it, Taulant Osmani, sot në Gjilan.

Osmani, është kërcënuar, fyer dhe tentuar të sulmohet nga disa persona, teksa po ndiqte protestën e shoqërisë civile në Gjilan kundër zhvendosjes së shtatores së Luftës Nacional- Çlirimtare “Ushtarët e Ramë”.

“Unë si gazetar për të paraqitur atë se qytetarët janë të ndarë sa i përket kësaj problematike, filloj të incizoj debatin mes tyre, dhe personi në fjalë reagon ashpër, më vërsulet me fjalet pse po xhiron.

Ne atë moment kanë ndërrhy edhe dy persona të tjerë të cilët më kanë shtyrë, sha e duke ma kapur telefonin”, ka deklaruar Taulant Osmani.
AGK kërkon nga institucionet relevante që hetojnë sa më shpjet këtë rast. /albeu.com/
Shtuar më 11/11/2017, ora 17:09

Shkruani komentin tuaj!
Të fundit nga kjo kategori