Partitë opozitare që pas zgjedhjeve u bënë bashkë në një bllok dhe u quajtën VLAN.

Këtu bënte pjesë LDK-ja, Vetëvendosje, AAK-ja dhe NISMA për Kosovën.

Lidhja Demokratike e Kosovës "tradhëtoi" tre partitë e tjera dhe iu bashkua PDK-së ku Mustafa fitoi edhe postin e kryeministrit, paçka se PDK ishte partia e dytë në vend.

Pasi iku LDK-ja, sërish Vetëvendosje, AAK dhe NISMA mbeten të bashkuara dhe për 7 muaj me protesta kritikuan ashpër dyshen Thaçi - Mustafa.

Pas shtatë muajve "betejë opozitare", AAK-ja dhe NISMA kanë vendosur të krijojnë një bllok më vete duke e "përjashtuar" Vetëvendosjen.

VV ka akuzuar tre partitë me të cilat ishte në koalicionin e madh opozitar se po flirtojnë me pushtetin.

Përçarja e opozitës i ka patur "krisje" qysh më herët dhe shumë komentatorë politikë e kishin vërejtur "çarjen".

Nga VLAN tanimë me iniciale ka mbetur thjesht AN. /Albeu.com/