A do të ketë Kosova ushtri?
Pëlqej
Ministri i Forcave të Sigurisë së Kosovës, Agim Çeku ka akuzuar deputetët serbë në parlament se janë pengesë për transforminin e FSK-së në ForcaArmatosura të Kosovës.

“Vetëm një pengesë është tashme, e ata jane deputetët serbë në Parlamentin e Kosovës. Nuk ka pengesa te tjera dhe ne besojmë që kjo pengesë do të tejkalohet. Serbia e ka të qartë se Kosova do ta ketë ushtrinë e saj”, tha ministri Çeku.

Edhe Visar Ymeri nga Vetëvendosje fajin ua ka hedhur deputetëve sërbë për mosarritjen e krijimit të ushtrisë së shtetit të Kosovës.

Ndërsa komandanti i FSK-së gjenerali Kadri Kastrati tha se transformimi i FSK-së në Forcat e Armatosura të Kosovës paraqet një sfidë në vete.

“FSK-ja funksionon sipas parimeve të kontrollit demokratik dhe civil. Transparenca, kontrolli dhe llogaridhënia janë fuqimisht të theksuara”, tha gjenerali Kastrati.

Këto debate u bënë gjatë një forumi që kishte si temë debati temën e shumëpërfolur të transformimit të FSK-së në ForcaArmatosura të Kosovës. /albeu.com/

Shtuar më 04/09/2014, ora 09:21
Shkruani komentin tuaj!
Të fundit nga kjo kategori