Pas “2 gisht mjaltë”, “I love Tropoja” dhe serialit “H.O.T”, Ermali ka në tavolinë edhe tre projekte të tjera. I ftuar në “Jo vetëm modë”, Ermali zbuloi se nga 3 filmat, njëri prej tyre është “2 gisht mjaltë 2”, që do të rikthejë në ekran si aktore Elvana Gjatën”.
“Tani që po flasim, unë kam tre projekte në tavolinë të cilat i kam pothuajse të zgjidhura në nivel produksioni. Tre filmat që po presin, njëri është “2 Gisht Mjaltë 2”.
Padyshim që do rikthehet Elvana. Fatkeqësia është që nuk do të kthehet më Koço Devole, i cili ishte babai i Elvanës në film dhe neve do na duhet të ndryshojmë skenarin, por sidoqoftë do ta kemi në një formë Koçon.
Kam edhe dy filma të tjerë që nuk dua t’i them tani, por po pres që të hapin kinematë në kapacitet të plotë, pasi historia ka treguar që kinemaja nuk na përballon dot me kapacitet të plotë e jo më me gjysmë”, tha Ermali. /albeu.com/
