Dmitro Kouleba, ministri i Jashtëm ukrainas ka mbërritur në Antalia, ku është pritur nga homologu i tij turk, Mevlut Çavusoglu.
Ai pritet të ketë gjatë ditës së sotme një takim kokë më kokë me ministrin e Jashtëm të Rusisë.
Ministrat e jashtëm të Ukrainës dhe Rusisë do të kenë sot takimin e tyre të parë kokë më kokë në Turqi që nga shpërthimi i luftës më 24 shkurt.
Sergei Lavrov u nis dje nga Rusia për në Turqi për të marrë pjesë në një forum që mbahet në një resort turistik për të takuar Kulebën.
Presidenti turk Rexhep Tajip Erdogan, i cili ka rritur përpjekjet e ndërmjetësimit që nga shpërthimi i krizës, tha të mërkurën se Turqia “mund të bisedojë me Ukrainën dhe Rusinë”. “Ne po punojmë që kjo krizë të mos kthehet në tragjedi”, shtoi ai./albeu.com/
?? Глава МЗС Дмитро Кулеба прибув до Анталії. Там заплановані переговори з міністром закордонних справ росії Лавровим. pic.twitter.com/SH2bcu1v6y
— Телеканал “Прямий” (@prm_ua) March 10, 2022
