240 mijë euro vetëm për makina
Edhe viti 2013 ka nisur me blerjen e veturave të reja në institucionet e Kosovës. Kështu, Ministria e Mjedisit dhe Planifikimit Hapësinor ka blerë të tilla për këtë vit, ndërsa institucione të tjera presin t,i blejnë ato në ditët në vijim.

Siç shkruan Tribuna, Ministria e Mjedisit, me në krye Dardan Gashin ka vendosur të shpenzojë plot 240 mijë euro, vetëm që punonjësit e tyre të jenë komod në punë dhe në vozitje.

Tenderin për këtë punë MMPH-ja e ka ndarë në tri lote. Në këtë ministri nuk kanë pranuar të japin detaje për blerjen e këtyre veturave. Kurse, përfaqësues të organizatave joqeveritare dhe njohës të ekonomisë shpenzimet për blerjen e tyre i shohin të paarsyeshme. /albeu.com/
Shtuar më 26/04/2013, ora 10:36

Shkruani komentin tuaj!
Të fundit nga kjo kategori