Atentati mes Vlorës, kapet autori që ekzekutoi Tauland Beqirajn
14 shkurti referendum, Kurti: Dialogu me Serbinë jo mbi bazën e hartave
Kreu i Lëvizjes Vetëvendosje, Albin Kurti, thotë se 14 shkurti do të jetë referendum që do t’u mundësojë qytetarëve të zgjedhin mes konkuikturave të vjetra dhe politikanëve të një epoke të re.

Ai thekson se përmirësimi i situatës socio-ekonomike të vendit është i mundur vetëm nëpërmjet zhvillimit ekonomik, që varet edhe nga investimet e jashtme direkt, me theks tek ato nga diaspora.

“Në 20 vitet e fundit këto investime u pamundësuan nga korrupsioni i lartë e krimi i organizuar i elitës së vjetër. Prandaj, reforma në drejtësi dhe sundimi i ligjit janë parakushte për zhvillimin ekonomik. Pjesëmarrësit i njoftova se të gjitha këto hapa janë paraparë në Alternativën Qeverisëse të Lëvizjes Vetëvendosje, e cila ndërtohet rreth dy kërkesave bazë të qytetarëve: Punë dhe drejtësi”, thotë ai.

Kurti përmes kësaj deklarate thotë se dialogu nuk duhet të ndërtohet mbi harta dhe mbi harta nuk duhet të ketë president rrotull.

“Me qindra pjesëmarrës të kësaj ngjarjeje, përgjithësisht ekspertë ndërkombëtarë, ishin të interesuar të njihen me qëndrimet tona në lidhje me raportet me vendet e rajonit, në veçanti për dialogun me Serbinë. Thashë se dialogu duhet të jetë një proces i cili bazohet në përmbajtjen e marrëveshjes, e jo në ngutin për ta arritur atë. Dialogu nuk duhet të ndërtohet mbi harta dhe mbi harta nuk duhet të ketë presidentë rrotull si në të kaluarën. Parakusht për normalizimin e raporteve mes Republikës së Kosovës dhe Serbisë duhet të jetë normalizimi i vetë vendeve nëpërmjet këtij procesi. Serbia nuk është një vend demokratik, ajo refuzon të ballafaqohet me të kaluarën, prandaj ky proces dialogues i ndërmjetësuar nga BE-ja dhe SHBA-ja, së pari do të duhej ta normalizonte Serbinë”, tha kreu i VV-së.

Kurti thotë se synim përfundimtar i këtij procesi do të duhej të ishte përmirësimi i jetës së qytetarëve dhe jo kompensimi i Serbisë për humbjet që i pësoi regjimi gjenocidal i Milosheviqit në vitet e ’90-ta.

Sipas tij, një marrëveshje mes Republikës së Kosovës dhe Serbisë, e cila bazohet në vlera dhe parime, përveçse në fakte e interesa, do të kishte ndikim pozitiv në tërë rajonin, i cili së bashku duhet të përparojë drejt integrimeve evropiane dhe euroatlantike.

“Procesi i integrimit mund të përshpejtohet me një bashkëpunim më intensiv të vendeve të rajonit në kuadër të Procesit të Berlinit që duhet avancuar nga një ‘Plan Marshal’ për Ballkanin Perëndimor, që do të ndihmonte në demokratizimin e vendeve, zhvillimin e ekonomive të tyre dhe bashkimin e qyteteve të ndara, të cilat mbesin si plagë të hapura në disa vende të Ballkanit”, përfundon ai. /Zëri
Shtuar më 26/01/2021, ora 14:46

Shkruani komentin tuaj!
Të fundit nga kjo kategori