11-vjeçari i rrëmbyer paraqitet në polici, ja detajet
Policia e Kosovës bën të ditur se i mituri E.T., i rrëmbyer mbrëmë në qytetin e Shtimes është paraqitur rreth orës 00:15 në stacionin policor në Ferizaj.

Policia e rajonit të Ferizajt bën të ditur se viktima është në gjendje të mirë shëndetësore dhe sipas deklaratës së tij, ai kishte arritur që të dalë nga automjeti i të dyshuarve dhe është paraqitur në polici.

“Më 9.4.2018 rreth orës 00:15 minuta, viktima është paraqitur në stacionin policor në Ferizaj .Viktima është në gjendje të mirë shëndetësore dhe sipas deklaratës së tij, ai kishte arritur që të dalë nga automjeti i të dyshuarve dhe është paraqitur në polici”, thuhet në njoftimin e Policisë.

Hetuesit policorë janë duke i vazhduar hetimet për zbardhjen e rastit.

Ndryshe, mbrëmë kidnapuesit e 11-vjeçarit familjes Tafa i kërkonin 50 mijë euro.

Motivet e rastit ende nuk dihen, por vetëm që babai i djalit kishte pranuar një mesazh në telefon, ku i kërkohej që t’i grumbullojë 50 mijë euro si kusht për lirimin fëmijës.


Shtuar më 09/04/2018, ora 09:25

Shkruani komentin tuaj!
Të fundit nga kjo kategori