Nuk po zbatohen rekomandimet e auditorëve të brendshëm
Komisioni për Mbikëqyrjen e Financave Publike, ka shqyrtuar dhe miratuar Raportin Vjetor të Qeverisë për Funksionimin e SistemitAuditimit të Brendshëm në Sektorin Publik, për vitin 2012.Gjatë shqyrtimit të raportit vjetor të Ministrisë së Financave për Funksionimin e SistemitAuditimit të Brendshëm në Sektorin Publik, kryetari i komisionit Ali Sadrija, tha se mos adresimi i rekomandimeve të dala nga auditimet ende mbetet sfidë e Auditorit të Përgjithshëm.

“Kemi raporte kur auditori i brendshëm ka konstatuar shumë lëshime dhe ka dhënë rekomandime. Por, ato rekomandime nuk janë zbatuar. Prandaj, duhet të mendojë edhe ministri por edhe ne që dikush duhet me dhënë llogari, nëse ka një përgjegjësi atëherë dikush duhet të përgjigjet në këtë çështje”, tha Sadrija.

Ndërsa anëtari i komisionit nga PDK-ja Adem Grabovci, raportin e quajti pozitiv. Por, në këtë aspekt ai tha se duhet të punohet më tepër, sidomos tani, kur vendo ndodhet në konsolidim e sipër të shtetit.


“Ne presim që kjo fushë të mbulohet dhe të ngritët edhe më shumë sepse ka nevojë. Kur e them këtë e kam parasysh rëndësinë e këtij sektori që duhet të auditoj dhe identifikoj me tepër dobësitë që na kanë përcjellë sepse është e qartë se atëherë kur ne identifikojmë ato dobësi që kemi dhe lëshime normalisht që mobilizohemi dhe e kemi me lehtë ti korrigjojmë”, tha Grabovci.
Shtuar më 10/07/2013, ora 15:15
Shkruani komentin tuaj!
Të fundit nga kjo kategori