Vazhdojnë përditësimet e versionit të Mesazheve Facebook.
Në gusht Facebook njoftoi se do t’i japë Mesazheve Facebook një pamje krejt të re, por nuk ka njoftuar se kur do ta sjellë atë për përdoruesit. Dy muaj më vonë, shumica e përdoruesve të Facebook-ut duket se nuk e kanë marrë ende përditësimin, shkruan krokodili.com.

Ndërfaqja e re e mesazheve do t’i lejojë përdoruesit të shohin bisedat më të fundit në anën e majtë të ekranit dhe të shohin një bisedë të plotë në të djathtë. Ajo gjithashtu ju lejon të fusni foto dhe ikona në mesazhe.

Në mesazhet e përditësuara do të përmirësohet edhe kërkimi dhe navigacioni, duke lejuar kërkimin e emrit të dërguesit, ose të fjalëve kyçe në mesazhe, shkurtesat e tastierës gjithashtu do të jenë në dispozicion për të hyrë në disa nga funksionalitetet e mesazheve.

Një përfaqësues i Facebook-ut ka konfirmuar të mërkurën se versioni i përditësuar i Mesazheve do të dalë për të gjithë përdoruesit. Por përfaqësuesi refuzoi të tregojë një kornizë kohore për daljen e përditësimit.