Drejtues të Microsoft kanë deklaruar se në Krishtlindjet e ardhshme lojrat elektronike të platformës Xbox do të jenë të gatshme për t’u luajtur edhe në platforma të tjera si Smartphone, PC dhe tablet.

ndër risitë e prezantuara nga administratorët e Microsoft janë “Halo 4” dhe “Kinect voice control”, që do të mund të aplikohen kryesisht për “FIFA 13”.

Prova e bërë deri tani ka treguar se zëvendësimet gjatë ndeshjes dhe ndryshimi i formacionit mund të bëhen përmes komandave zanore.

Pra, lojtarët nuk do të kenë nevojë të ndalojnë lojën, por do të mjaftojë që të flasin direkt me televizorin që kanë përpara.