Apple dhe Samsung dënohen për kurthin që u bënë klientëve
Pëlqej
Apple dhe Samsung do të gjobiten me nga 5 milionë euro respektivisht në Itali, për “ngadalësimin me qëllim” të celularëve të tyre.

Një hetim i nisur në janar nga autoriteti i konkurrencës në Itali, zbuloi se disa përditësime të softuerëve të celularëve kishin efekt negativ në performancën e pajisjeve.

Hetimi, që besohet se është i pari i këtij lloji kundër prodhuesve të celularëve, erdhi pas akuzave se përditësimet e sistemit operativ ngadalësuan celularët më të vjetër, duke i shtyrë njerëzit që të blejnë celularë të rinj, transmeton Gazeta Express.

Sipas The Guardian, një deklaratë zyrtare e autoritetit të konkurrencës thotë se kompanitë nuk ofruan informata adekuate rreth ndikimit të sistemit të ri në celularë.

Që të dyja kompanitë u dënuan me 5 milionë euro, por Apple u dënua me 5 milionë euro shtesë, për shkak se nuk iu dha përdoruesve informacione “esenciale” rreth karakteristikave të baterive me litium, duke përfshirë jetëgjatësinë e tyre, si t’i mirëmbajnë ato ose kur duhet t’i zëvendësojnë.
Shtuar më 24/10/2018, ora 15:41
Shkruani komentin tuaj!
Të fundit nga kjo kategori