Ditën e sotme Greqia është tronditur nga një vrasje në tentativë e cila ka si autor një grua shqiptare.
Gruaja, Klodiana Celo është vënë në prangat e policisë greke pasi ka qëlluar me dy plumba në bark okulistin Georgios Neos.
Neos, babai i vajzës së saj 13-vjeçare, është në gjendje të rëndë shëndetësore dhe ende nuk është stabilizuar nga mjekët.
Pas arrestimit gruaja shqiptare e cilësuar nga mediat greke si artiste ka deklaruar se nëna e saj është pjesë e një organizate kriminale dhe se duhet arrestuar menjëherë nga policia e Shtetit.
Hetuesit po përpiqen që të zbulojnë se kush ia siguroi armën e krimit dhe nëse ka bashkëpunëtorë që e ndihmuan që të qëllonte ndaj babait të fëmijës së saj.
Shkaku i konfliktit të shqiptares dhe okulistit grek është bërë kujdestaria për vajzën 13-vjeçare.
Gjykata ia la kujdestarinë mjekut, vendim që mesa duket nuk e pranoi dot shqiptarja. /albeu.com/