Moderatorja e njohur dhe njëherazi bashkëshortja e Gjikos, Elita Rudi ka ndarë së fundmi me ndjekësit në ‘Instagram’ disa foto ku shfaqet e veshur me kostumet tradicionale të vendit tonë.
“I dua rrobat tona tradicionale”, ka shkruar Rudi krah postimit ku shfaqet e kuruar deri në detaje me veshjet e ndryshme të kulturës shqiptare.
Ndjekësit kanë lënë një sërë komentesh pozitive në llogarinë e Elitës, jo vetëm duke e komplimentuar, por dhe duke e mbështetur në këtë nismë në rrjetet sociale.
Kujtojmë se edhe personazhe të tjerë të njohur si Ariana Fejzullahu kanë publikuar foto me kostumet tradicionale shqiptare, duke mbështetur kulturën vendase.
