Që prej shpërthimit të pandemisë, maska është bërë e detyrueshme sidomos në ambjetet e mbyllura me qëllim parandalimin e përhapjes së COVID-19.
Në të njëjtën kohë, kërkesa për një sërë produktesh që mund të ndihmojnë në luftimin e pandemisë është rritur, gjë që ka pasur një efekt pozitiv në tregtinë ndërkombëtare të këtyre produkteve.
Duke krahasuar semestrin e parë të vitit 2019 me semestrin e parë të vitit 2020, vlera e importeve të maskave të fytyrës në BE është rritur në mënyrë dramatike, nga 800 milion euro në 14 miliardë euro, informon Eurostat.
Nga vendet në rajon, Maqedonia arriti të përdorë shumicën e kërkesës së vendeve të BE-së. Importet e maskave të prodhuara për vendet e BE-së arritën në pothuajse 17 milion euro për periudhën janar-korrik 2020, krahasuar me vetëm 180 mijë euro gjatë gjithë vitit 2019. Pason Serbia me 13.4 milion euro dhe Bosnja dhe Hercegovina me 11.2 milion euro. Shqipëria është e katërta në “garën e Ballkanit Perëndimor” që furnizon BE-në me maska me vlerë 5.7 milion euro.
