Edhe këto gjëra ndodhin!
Albeu.com
Ne bote nuk ndodhin vetem gjera te zakonta. Ne Austri, nje vajze 18-muajshe i lë prindërit jashtë në ballkon. Drejtoresha e gjimnazit “Perci Julian” te Ilinoisit, ndalon përqafimet në gjimnaz. Lexoni

Një çift në Vjenë duhet të shpëtohej nga skuadra e zjarrfikësve, pasi vajza e tyre 18-muajshe i kishte mbyllur jashtë apartamentit ku banonin. Media austriake raporton se prindërit kishin dalë në ballkon të shihnin perëndimin e diellit në Bludesch, në Austrinë perëndimore, ndërsa vogëlushja po luante brenda. Fëmija i mbylli dyert e ballkonit dhe prindërit mbetën jashtë, por e kishin të pamundur ta bindnin t’i lejonte të futeshin brenda. Duhet që të njoftonin skuadrën e zjarrfikësve, të cilët hapën derën e ballkonit dhe bashkuan prindërit me fëmijën.

.........

SHBA, në shitje karroca që çdo baba do ta shtynte

Kjo është superkarroca, nga ai lloj që Meri Popins as që e ka ëndërruar. Është e ndërtuar me mbajtëset e gotës, rrota aerodinamike dhe vjen në ngjyrë metalike, pa përmendur sistemin argëtues me DVD, iPod, Bluetooth, boksera dhe ekran të kompjuterizuar. E rënduar me pajisje elektronike, “Roddler” është “karroca më trendi në trotuar”. Në SHBA shitet për 1,700 paund dhe vjen në forma dhe ngjyra të ndryshme. Stilet përfshijnë strucin, aligatorin, lopën apo kafshë të tjera. “Produkti ynë do të revolucionarizojë industrinë e bebeve”, thotë prodhuesi Jamie Coblentz i kompanisë “Pinstripe Prep”.

.........

SHBA, rekordmeni që e kërcen gurin mbi ujë 51 herë

Një amerikan është cilësuar si rekordmeni i botës, pasi e kërcen gurin në sipërfaqen e ujit 51 herë. Russell Byars, 43-vjeçar nga Pensilvania, mbante rekordin e mëparshëm të 40 kërcimeve më 19 korrik. Zoti Byars e theu rekordin në French Creek të lumit Allegheny, pranë Pitsburgut. Para se rekordi të bëhej zyrtar, ekspertët nga libri “Gines” i rekordeve analizuan regjistrimin filmik të hedhjes, duke kontrolluar qarqet rrethore në ujë të bëra pas çdo prekjeje. Rekordin më të gjatë, me 38 cekje të ujit, e mbante irlandezi Jerdone Coleman-McGhee, autori i librit “Sekretet e kërcimit në ujë”.

.........

Ndalohen përqafimet në gjimnazin në Ilinois

Nëse duan një përqafim, nxënësit e gjimnazit “Perci Julian” duhet ta kërkojnë tjetërkund, pasi drejtoresha i ka ndaluar përqafimet mes 860 studentëve brenda territorit të shkollës. Drejtoresha Victoria Sharts tha se nxënësit vonoheshin për mësim dhe mbushnin korridoret, ndërsa takonin njëri-tjetrin. “Përqafimet janë më të përshtatshme në aeroporte apo në familje, dhe jo në korridoret e shkollës, aty ku nxënësit e shohin njëri-tjetrin çdo pesë minuta. Një tjetër arsye që më shtyu të ndaloj përqafimet është shumë e gjatë për t’u shpjeguar”, thotë ajo. /Tirana Observer/
Shtuar më 05/10/2007, ora 11:57
Tage: arkiv
Shkruani komentin tuaj!
Të fundit nga kjo kategori