Në Iran është shtyrë ekzekutimi i një vendimi shokues të gjykatës së Teheranit, për të verbuar duke i hedhur acid në sy një të pandehuri.

Lajmin e bën të ditur agjencia “Isna”, sipas të cilës ekzekutimi është shtyrë për një datë të pacaktuar.

Ndërkohë, aktivistët e të drejtave të njeriut i kanë bërë thirrje komunitetit ndërkombëtar që t’i kushtojë vëmendje abuzimeve që kryhen në Republikën Islamike.

Majid Movahedi u dënua në vitin 2008 me verbërim pasi vetë ai i kishte marrë shikimin një gruaje, Ameneh Bahrami, që kishte refuzuar propozimin e tij për martesë.

Ligji, i cili akoma është në plan të zbatohet, i jep të drejtën njerëzve që kanë pësuar çfarëdo lloj dëmtimi, të hakmerren në të njëjtën mënyrë.