Vendet më të bukura në botë për muajin e mjaltit (FOTO LAJM)

Kur vjen puna te muaji i mjaltit, cciftet e sapomartuar vendosin të bëjnë shpenzime të mëdha në mënyrë që të shkojnë në vende ekzotike dhe përallore. Këto janë 5 vende ideale për të kaluar një muaj mjalti të paharrueshëm.

5. Shën Lucia (Saint Lucia)
Sën Lucia është një perlë e Karaibeve dhe ka qenë një destinacion popullor për muajin e mjaltit prej shumë kohësh. Ka plazhe të mrekullueshme, male madhështore me maja të thepisura dhe njerëz shumë mikpritës që i vlerësojnë shumë turistët që vizitojnë parajsën e tyre të vogël. Në këtë ishull ju do të keni intimitetin që ju duhet dhe do të keni mundësi të eksploroni natyrën, kulturën dhe kuzhinën ekzotike me gjithë llojllojshmërinë dhe bukurinë.

4. Tailanda
Tailanda është vendi i pushimeve ekzotike. Ajo është e famshme për tempujt, xhirot me elefantë, plazhet e famshme, malet me pamje të magjishme që të lënë pa frymë. Plazhet si Phuket, Pataya dhe Phangan jane plazhe me rërë per çiftet e reja, me netë të qeta, ndërsa vendet si Bangkok, Hat Yai dhe Songkhla janë ideale për shopping dhe për ata që duan të shijojnë jetën e natës. Tajlanda është e mrekullueshme në çdo stinë por një eksperiencë ndryshe do të ishte ta vizitonit në periudhën nëntor-dhjetor ku klima atje është e ngrohtë dhe krejt në kontrast me dimrin që keni në vendin tuaj.

3. Italia
Italia me Romën, Firencen dhe Venecian janë patjetër vende të cilat e mbushin udhëtimin tuaj plot emocion dhe me një eksperiencë të jashtëzakonshme. Roma në vetvete është një qytet me një arkitekturë te mrekullueshme. Qyteti i Vatikanit është një vend i veçantë me mjaft vizitorë nga e gjithë bota. Por përvoja më unike për çiftet e sapomartuara është të lundruarit nëpër kanalet e qytetit të Venecias i cili është i ndërtuar itëri mbi ujë . Italia përbën me të vërtetë nje destinacion shumë të kërkuar për çiftet e dashuruara. Kuzhina e mrekullueshme italiane, klima mesdhetare, mikpritja, plazhet dhe gjithçka tjetër që ofron Italia, do ta bëjnë muajin tuaj të mjaltit një përvojë unike.

2. Franca
Franca eshte pagëzuar si vendi më romantik për të gjithë të dashuruarit nga e gjithë bota. Parisi është i famshëm për netët romantike dhe me mjaft vende impresionuese për tu vizituar. Përveç Parisit, vende të mrekullueshme për të dashuruarit janë edhe: St. Paul de Vence, riviera e mrrekullueshme franceze, Ishulli i Korsikës etj.

1. Hawaii
Haëaii është një nga destinacionet më të preferuara për të dashuruarit dhe një zgjedhje pa diskutim e shumë kërkuar nga të gjitha çiftet. Hawaii është një vend që i ka të gjitha bukuritë duke filluar nga muzetë, parqet kombëtare, plazhet magjepsëse me rërë të bardhe të cilat do ju bëjnë të ndiheni sikur jeni në ëndërr. Haëaii bën pjesë në Shtetet e Bashkuara të Amerikës dhe është i vetmi shtet amerikan që përbëhet vetëm nga ishuj.
Shtuar më 27/06/2019, ora 13:00
Shkruani komentin tuaj!
Të fundit nga kjo kategori