Paulo Dybala dhe Inter janë gjithnjë e më pranë marrëveshjes.
“La Gazzetta dello Sport” thotë se Dybala aktualisht ndodhet në Miami, por i ka thënë agjentit të tij se është gati t’i bashkohet klubit zikaltër dhe besohet se dita e enjte do të jetë vendimtare.
Ditët e djeshme ka patur një kontakt telefonik mes CEO-s Marotta të Interit dhe agjentit të argjentinasit, Jorge Antun. Ky i fundit ka kontaktuar Marotta-n dhe i ka thënë se duhet vetëm një zgjatje kontrate, pra nga 3 vite që ofronte Interi, në 4 vite të kërkuara nga Dybala dhe agjenti i tij.
Shifra e pagës duket se nuk do të ndryshojë pasi kjo ka qënë kërkesa e Dybala dhe gazeta italiane thekson se Marotta ka rënë dakort për këtë kontratë.
Tashmë thuhet se është caktuar dita e enjte si dita e fundit e diskutimit për të lustruar detajet e fundit të një marrëveshje që është praktikisht gati./ h.ll/albeu.com
