Wshtë data 1 prill 1997. Vlora dhe Tirana ziejnë. Kryeqyteti i trazirave të vitit 1997, Vlora vuan tragjedinë e "Otrantos" dhe në mëngjes është paralajmëruar një tubim në nder të viktimave, ndërkohë që Tirana është mjaft e zënë me takime dhe konsultime me ndërkombëtarët në kuadër të operacionit "Alba" të forcave të NATO-s të udhëhequra nga Italia që do të zbarkonin me qëllim ruajtjen e stabilitetit në vend. Albeu.com, vijon sot ciklin e publikimeve "Sot në '97".

1 prill 1997

Dita nis me një tubim të heshtur në Vlorë në nder të viktimave të tragjedisë së "Otrantos" ndërkohë që në drejtim të Shqipërisë vijojnë të vijnë ngushëllimet nga kancelari të ndryshme të Europës.

Agjencia Telegrafike Shqiptare njofton se po në të njëjtën ditë, ministri i Mbrojtjes së Shqipërisë, Shaqir Vukaj arriti me një delegacion shqiptar në Romë për të diskutuar në lidhre me praninë e forcave italiane në vendin tonë në kuadër të forcave "ALBA".

Ndërkohë, në pjesë të ndryshme të vendit vijojnë shkatërrimet dhe plaçkitjet e pasurisë kombëtare. Njofrohet se nga muzeu i Durrësit janë vjedhur 80 vepra bronzi.

Në Elbasan është vjedhur 90 për qind e pasurisë kulturore kombëtare që gjendej në muzeun folklorik të qytetit. E njëjta situatë paraqitet edhe në Krujë dhe Korçë.

Krahas veprave të artit ka filluar edhe grabitja e pasurive të tjera në fabrika, siç është për shembull hekuri, i cili dërgohej për t'u shitur për skrap në Mal të Zi.

Gjatë datave 31 mars 1 prill në Shqipëri ishte i pranishëmë një delagacion i lartë i qeverisë greke, të cilët zhvilluan takime me kryeministrin, kreun e parlamentit dhe ministra.

Ndërkohë, nëpërmjet një deklarate për shtyp, Partia Demokratike do të deklaronte atehere se ajo nuk e shihte tragjedinë e "Otrantos" si një indicent politik duke theksuar në nevojën për avancimin e marrëdhënieve mes Shqipërisë dhe Italisë. /Albeu.com/